Zertan datza pentsio plan mistoa?

Tresna finantzario horien inguruko guztia kontatzen dizugu, eta zergatik diren zure aurrezkiak bideratzeko produktu bikainak.

Gaur inoiz baino gehiago, asko dira aurrezkiak erretiratzeko unean aparteko diru-sarrerak ekarriko dizkien produktu batean inbertitzeko beharra planteatzen dutenak. Dena dela, inbertitzaile ertaina noraezean ikusten du bere burua zenbaitetan, merkatuan dauden finantza-tresna ugarien aurrean, eta zaila egiten zaio produktu bat edo bestea aukeratzea.

Hasteko, erabaki behar dute arrisku-maila handia baina errendimendu-ahalmen handia duen tresna baten alde egitea, edo dirua berme handiagoak baina onura potentzial txikiagoak dituzten produktuetan inbertitzea. Bi aukera horien arteko erdibideko irtenbide gisa, pentsio plan misto bat kontratatzeko aukera dago. Artikulu honetan zehaztasunez azalduko dizugu zer diren pentsio plan mistoak eta nola atera daiteken etekinik handiena produktu horiei.

Goi mailako Bannerra Kalkulatu erretiroa Goi mailako Bannerra Kalkulatu erretiroa
Zure erretirorako aurreztu
Kalkulatu zenbat hobetu duzun pentsio planera ekarpenak egiten.

Finantza tresna mota horrek errenta finkoko aktiboak errenta aldakorrekoekin uztartzeko abantaila handia du, eta horrek nolabaiteko segurtasuna eskaintzen dio inbertitzaileari; aldi berean, etekin handiak lortzeko aukera ematen dio. Aukera egokia izango litzateke profil zuhurreko inbertitzaile gisa ezagutzen denarentzat, kontserbadorearen eta ausartaren erdibidean.

Plan horien alde egitea erabaki aurretik, komeni da ulertzea errenta finkoko aktiboetan inbertitzearen eta errenta aldakorreko aktiboetan inbertitzearen arteko aldea.

Inbertsioa errenta finkoko aktiboetan

Errenta finkoko aktiboak edo bonuak enpresa edo estatu batek sortzen dituen zor-jaulkipenak dira —ez akzioen jaulkipenak—, kopuru mugatuetan eta mugaegun jakin batekin. Mota horretako aktiboen salmentak mailegu bat ematearen logika berari jarraitzen dio: inbertitzaileak gobernu edo enpresa bati mailegatzen dio bere dirua, aurretik adostutako epe batean inbertitutako kapitalaren interesekin itzultzearen truke. Aktibo horiek, ordea, etekin apala eskaintzen dute beste produktu batzuekin alderatuta; onura horiek, gainera, koiuntura makroekonomikoaren eta interes-tasen bilakaeraren eragina jasan dezakete.

Garrantzitsua da kontuan hartzea "finkoa" etiketa aldez aurretik ezagutzen den kupoi bidezko errentagarritasuna ordaintzeari buruz ari dela, baina errenta finkoak ere kotizatzen duela, eta haren balioespenak ere gorabeherak dituela, errenta aldakorreko baino hegazkortasun txikiagokoa izan arren.

Inbertsioa errenta aldakorreko aktiboetan

Errenta aldakorreko aktiboek, aldiz, ez dute errenta finkoko aktiboen segurtasun bera eskaintzen, ez irabaziak ezta inbertsioa itzultzea ere ez baitaude bermatuta. Aktibo horiek, oro har, akzioek osatzen dituzte eta horien errendimendua enpresa jaulkitzailearen jarduera ekonomikoaren emaitzen eta onuraren araberakoa da. Errenta aldakorreko aktiboek errentagarritasun ahalmen handia dute baina baita arrisku handiagoa ere.

Kotizazioaren bilakaera ez da errentagarritasun iturri bakarra, akzio batzuek dibidenduak banatzen baitituzte aldian-aldian, dirutan edo akzio berrien moduan. Dibidendua enpresak akziodunen artean banatzea erabakitzen duen irabaziaren zati bat da.

Inbertsioa errenta mistoko aktiboetan

Sekula ez da asmo ona izango inbertitzaile batek bere aurrezki guztiak errenta aldakorreko produktuetara bideratzea; izan ere, horiek etekin asko sortzeko aukera eskaintzen dute baina akzioen balioa jaisteko arriskua ere badago, eta, irabaziak ez jasotzeaz gain, baita galera handiak izateko arriskua ere. Bestalde, gaur egun errenta finkoko produktuek errenta oso baxuak eskaintzen dituzte, interes tasaren egoerarekin oso lotuta baitago.

Pentsio plan misto batean errenta finkoko eta aldakorreko aktiboak uztartzeak balio du bien alderdi negatiboak arintzeko eta, aldi berean, etekinik handiena ateratzeko: alde batetik, errenta finkoko osagaia, hegazkortasun eta arrisku txikikoa, "lastaira" modura arituko da. Bestetik, errenta aldakorraren zatiak inbertitzaileak nahi duen errentagarritasun gehigarri hori bilatzen lagunduko du.

Erdi mailako Bannerra Pentsio Plana Erdi mailako Bannerra Pentsio Plana
Zure beharretara egokitutako pentsio planak.
Ezagutu eskaintzen dizkizugun aukerak

Bukatzeko, bada inbertsioei dagokienez printzipio hautsezin bat: dibertsifikazioa, hau da, "arrautza guztiak otarra berean ez jartzearen" kontzeptu teknikoa. Aurrezkiaren helburua edo aurrezkia egiten duenaren arrisku-profila edozein dela ere, kapitala aukera desberdinen artean banatuta eduki behar da, aktibo baten gaineko merkatu-gertaerek zorroan triskantzarik ez eragiteko.

BBVAn pentsio plan mistoak jartzen dizkizugu eskura, zure aurrezpenari etekin handiena ateratzeko eta tresna horiek eskaintzen dituzten zerga abantaila onurak lortzeko. Sartu bbva.es webgunean eta joan gure pentsio planen konparatzailera, zeure beharretara hoberen egokitzen dena aurki dezazun. Edo jar zaitez gure adituren batekin harremanetan, aholkularitza pertsonalizatua jasotzeko. Inoiz ez da goizegi erretiro on bat ziurtatzeko.

Pentsioen CTA simulatzailea Pentsioen CTA simulatzailea
Pentsio planak - Hau ere interesa dakizuke Pentsio planak - Hau ere interesa dakizuke

Honek ere interesatu zaitzake

  • Hauek dira 2018an egindako aldaketak pentsioen eta erretiroa hartzean jasotzen den gehienezko zenbatekoaren inguruan.
  • Hauek dira erretiroa hartu ondoren jasoko duzun pentsioaren prestazioa jakiteko egin beharreko kalkuluak.
  • Hainbat faktorek dute eragina erretiro pentsioen PFEZeko atxikipenean. Aurkitu dagokizun ehunekoa.
Pentsio planak - Tresnak Pentsio planak - Tresnak

Pentsio planei buruzko tresnak

  • Zenbateko pentsio publikoa jasoko duzu erretiroa hartzean? Ezagutu hiru urratsetan.
  • Aurkitu aurrezteko zure beharrei hobeen egokitzen den pentsio-plana, eta hasi etorkizuna planifikatzen.
  • Gure konparatzaileak planen ezaugarri guztiak ezagutzen lagunduko dizu, hobekien egokitzen zaizuna aukeratzeko.
  • Gure simulatzailearekin, ezagutu jasoko duzun prestazioa erretiroa hartzean.
  • Jakin nahi al duzu zenbat aurrez dezakezun zerga aitorpenean pentsio plan batera ekarpenak eginez gero?