Nola funtzionatzen dute pentsio planen jaraunspenek?

Pentsio plana nork jaraunts dezakeen eta fiskalitateak nola funtzionatzen duen kontatuko dizugu

Pentsio-plana Gizarte Segurantzaren erretiro-pentsioa osatzera zuzentzen den aurrezki-mekanismoa da. Plan pribatu eta boluntario honek ez du inola ere pentsio publikoen ordainketa ordezkatzen. Hasieran eta orokorrean, erretirora arte funtsetara sarbidea izan ez arren, salbuespena da partaidearen heriotza. Horregatik, beharrezkoa da azaltzea nork jaraunsten duen pentsio-plana eta nola tributatzen den metatutako dirua.

Pentsio-planaren jaraunspena ulertzeko, oinarrizkoa da bertan agertzen diren hiru pertsonak bereiztea:

  • Pentsio-planaren sustatzailea: planaren sortzea sustatzen edo bere garapenean partaide izan den edozein enpresa, sozietate, erakunde etab.
  • Parte-hartzaileak: pertsona fisikoak, plana haien onura edo intereserako sortzen bada. Hau da, pertsona bat, non erretiroa, ezintasuna, menpekotasuna edota heriotza kasuan, pentsio-planak babesten duen.
  • Onuradunak: planaren prestazioak jasotzeko eskubidea duten pertsonak. Erretiro, ezintasun edo menpekotasun arriskuetan, onuraduna eta partaidea bat datoz. Hala ere, heriotza kasuan, onuraduna partaideak aukeratutako pertsona edo pertsonak izango dira.

Izendatutako azken arriskuan agertuko da pentsio-planaren jaraunspena, hau da, partaidearen heriotza kasuan.

Goi mailako Bannerra Kalkulatu erretiroa Goi mailako Bannerra Kalkulatu erretiroa
Zure erretirorako aurreztu
Kalkulatu zenbat hobetu duzun pentsio planera ekarpenak egiten.

Nor izan ahal da pentsio-plan baten jaraunspenaren onuraduna?

Pentsio-planaren partaidea hiltzen bada, planean finkatutako eskubideak aurretik izendatutako pertsonari emango litzaizkioke, onuradunak berariaz izendatzeko buletinaren bidez. Pentsio-planaren kontratua egitean, partaideak pertsona bat baino gehiago aukera ditzake onuradun gisa. Kasu horretan, onuradun bakoitzarentzat jaraunspen ehuneko ezberdinak ezartzeko ahalmena ere badu.

Partaideak pentsio plana kontratatzean onuradunik aukeratu izan ez balu, testamentuan berariaz aipatutakoak izango lirateke onuradunak, halakorik balego. Esan beharra dago berariazko izendapen eta testamentuaren artean, berriki izandako izendapen data gailenduko dela. Testamentuan ere ez balego inor berariaz aipatuta, pentsio planaren onuradunak zehaztapenetan edo planaren araudian agertzen direnak izango lirateke; oro har, jaraunsle legalak izan ohi dira. Hau da, ezkontide eta ondorengoak. Azken batean, partaidearen testamentuko jaraunsleak edo abintestato jaraunsleak.

Nola funtzionatzen du pentsio-plan baten jaraunspenaren fiskalitateak?

Onuradunek pentsio-planaren funtsak nola tributatu behar dituzten azaldu baino lehen, beharrezkoa da planaren hildako partaidearen Pertsona Fisikoen Errentaren Gaineko Zergarekin (PFEZ) gertatzen dena azaltzea. Hildakoaren kasuan, ingresatzeko kuota kalkulatuko da edo dagokion itzultzeko kantitatea urtarrilaren 1etik heriotza datara arte.

Nolanahi ere, pentsio-planaren jaraunspenaren onuradunak, finkatutako eskubideak kobratzeko kasuan, jakin beharra du plan horretatik etorritako prestazioak ez direla inondik ere, oinordetza zergan tributatuko. Plana kobratzean jasotako kopurua lan etekintzat hartzen da Pertsona Fisikoen Errentaren Gaineko Zergan. Hortaz, onuradunek etekinak tributatu behar izango dituzte haien aitorpenean dagokien tasa-marjinalean, haien zerga-oinarri orokorra igotzera igarotzen dira eta.

Onuraduna pertsona juridikoa izateko kasuan, jarauntsitako pentsio-planaren prestazioa errenta gisa hartuko litzateke urteko emaitza kontularian. Hemen ez da Pertsona Fisikoen Errentaren Gaineko Zerga ezarriko, baizik eta sozietate-zergaren arauaren arabera tributatuko litzateke.

Erdi mailako Bannerra Pentsio Plana Erdi mailako Bannerra Pentsio Plana
Zure beharretara egokitutako pentsio planak.
Ezagutu eskaintzen dizkizugun aukerak

Zer dokumentazio aurkeztu behar dute pentsio-planaren jaraunspenaren onuradunek?


Pentsio-planaren funtsak berreskuratu ahal izateko, onuradunek hurrengo dokumentazioa aurkeztu behar izango dute:

  • Prestazio eskaera heriotzagatik. Onuradun bat baino gehiago egongo balitz, beharrezkoa izango litzateke bakoitzak eskaera bat aurkeztea.
  • Onuradunaren NANaren fotokopia.
  • Hildakoaren NANaren fotokopia.
  • Pentsio-planeko partaidearen heriotzaren ziurtagiri originala.
  • Onuradunak onuradun gisa ziurtatzen dituen dokumentazioa: onuradunak berariaz izendatzeko azken buletina, testamentua edo jaraunsleen aitorpena, azken borondateen ziurtagiria, jaraunspenaren eskritura, familia-liburua eta, bere kasuan, partiketako koadernoa.
Nire erretiroa Nire erretiroa
BBVA PENTSIOEN Institutuaren lankidetzarekin:
Pentsio planak - Hau ere interesa dakizuke Pentsio planak - Hau ere interesa dakizuke

Honek ere interesatu zaitzake

  • Hauek dira 2018an egindako aldaketak pentsioen eta erretiroa hartzean jasotzen den gehienezko zenbatekoaren inguruan.
  • Hauek dira erretiroa hartu ondoren jasoko duzun pentsioaren prestazioa jakiteko egin beharreko kalkuluak.
  • Hainbat faktorek dute eragina erretiro pentsioen PFEZeko atxikipenean. Aurkitu dagokizun ehunekoa.
Pentsio planak - Tresnak Pentsio planak - Tresnak

Pentsio planei buruzko tresnak

  • Zenbateko pentsio publikoa jasoko duzu erretiroa hartzean? Ezagutu hiru urratsetan.
  • Aurkitu aurrezteko zure beharrei hobeen egokitzen den pentsio-plana, eta hasi etorkizuna planifikatzen.
  • Gure konparatzaileak planen ezaugarri guztiak ezagutzen lagunduko dizu, hobekien egokitzen zaizuna aukeratzeko.
  • Gure simulatzailearekin, ezagutu jasoko duzun prestazioa erretiroa hartzean.
  • Jakin nahi al duzu zenbat aurrez dezakezun zerga aitorpenean pentsio plan batera ekarpenak eginez gero?