Zubi-hipoteka

Zubi hipoteka bat hipoteka mailegu mota bat da. Horri esker, etxe edo pisu berri bat eros dezakezu une honetako eta, aldi berean, saldu nahi duzun etxebizitzaren mailegua ordaintzen ari zaren bitartean. Horrela, kontratatzen den hipoteka berriak erosiko den etxebizitzaren kostu osoa estaliko du gehi uneko etxebizitzaren mailegutik itzultzeko geratzen den zenbatekoa, eta baita eragiketarekin lotutako kudeaketa kostuak ere.

Hipoteka hau kontratatzen den unetik, 2 eta 5 urte artean izango dira -baldintzen arabera- aurreko higiezina saltzeko. Horrela, hipotekaren bizitzaren lehenengo urte hauetan aurre egin beharreko hipoteka hiru motatakoa izan daiteke:

• Kapital gabezia duen kuota: ohiko hipoteka batean egon daitekeen gabealdian bezala, kuota hau ordainduta, maileguaren interesari bakarrik egingo zaio aurre, beraz, ez da itzuli beharreko kapitala amortizatzen, nahiz eta bere kostua ohiko kuota bat baino gutxiago izan.
• Murriztutako kuota berezia: kuotaren zenbatekoa jatorrizko etxebizitza saldu osteko kuotak baino merkexeagoa izango da, nahiz eta diru gehiena interesak ordaintzeko inbertituko den.
• Kuota normala: kapitala eta interesa ohiko erritmoan amortizatzen dira. 
  

Zubi hipotekari esker, halaber, etxebizitza berriaren tasazio balioaren % 100 arteko finantzaketa lor daiteke, eta baita bere gastuak estali ere, baldin eta bi etxebizitzen tasazio osoko balioaren %80 gainditzen ez badu.

Bere aldetik, amortizazio aldia 40 urtekoa izatera irits daiteke eta banku erakundeek ez dute amortizazio partzialarengatiko komisiorik kobratzen, lehenengo etxebizitza saldu ondoren.

Mota honetako hipotekak emateko baldintzak, ohiko hipoteka bat emateko bezalakoak dira, finkoa edo aldakorra bada ere. Horrek notario, erregistro eta ohiko izapide fiskalak eragiten ditu, eta baita ere titularraren kaudimena egiaztatzea eta bi higiezinen tasazioa, kostu nagusien artean.

Hala ere, zubi hipoteka bat emateko exijitutako bermeak, normalean, handiagoak dira, erakunderako arrisku handiagoa dakarren banku eragiketa baita.