Hizki grekoak

Aukera baten priman eragina duten faktoreak neurtzeko, hizki grekoak erabiltzen dira. Hizki grekoekin irudikatzen dira formula horiek, primaren sentsibilitatean eragina duten faktoreetako bakoitza neurtzeko. Hizki hauek dira: delta, gamma, theta, vega edo kappa, rho eta phy.

• Delta: Azpiko aktiboaren spot kotizazioa aldatu ahala aukeraren prima nola aldatzen den adierazten du. Azpikoa aldatu ahala prima zer abiaduratan aldatzen den kalkulatzen du.
• Gamma: Spota aldatu ahala aukeraren delta nola aldatzen den erakusten du; hau da, azpiko aktiboaren spota aldatu ahala aukeraren prima zer abiaduratan aldatzen den irudikatuko luke.
• Theta: Mugaegunera iritsi arteko denbora igaro ahala aukeraren prima nola murrizten den irudikatzen du.
• Vega edo kappa: Azpiko aktiboaren hegakortasuna aldatu ahala aukeraren prima nola aldatzen den adierazten du.
• Rho: Aukera mugaeguneratzen denerako merkatuko interes tasak aldatu ahala aukeraren prima nola aldatzen den kakulatzen du.
• Phy: Azpiko aktiboaren dibidenduak ordaintzeko aukerak aldatu ahala aukeraren prima nola aldatzen den adierazten du.