Euriborra

Euriborra (Euro Interbank Offered Rate-ren akronimoa) indize bat da, eta Europako finantza erakunde nagusiek elkarri batez beste zer interes tasatan uzten dioten dirua adierazten du. Indize hau kalkulatzeko, mailegu hauen prezioaren batezbestekoa egiten da. Lanegun bakoitzean, bankuek beren interes tasa bidaltzen dute. Balio guztiak bildu direnean, % 15 txikiena eta handiena ezabatzen dira. Ondoren, gainontzeko balioen % 70eko batezbestekoa kalkulatzen da eta biribildu egiten da 3 hamartarreko zifra bat lortu arte.

Euriborraren erreferentzia indizea erabili ohi dute bankuek maileguetan. Hipoteka maileguetan, interes tasa euriborraren balioa + diferentzial finkoa da. Esate baterako: euriborra + % 1,25.

Euriborra erreferentzia gisa hartuta, hiru motatako hipotekak daude: hipoteka aldakorra, hipoteka finkoa eta hipoteka mistoa. Hipoteka aldakorraren eta mistoaren interes tasa aldatu egin daiteke euriborraren arabera. Aldiz, hipoteka finkoak kuota bera aplikatzen du maileguaren bizialdi osoan; euriborrak ez du eraginik mota honetako hipoteketan.

Hipotekaren eta euriborraren arteko harremana