Zer komisio ditu abantaila horiek dituen txartel batek?

Kreditu-txartelak ez du jaulkitze eta mantentzeagatiko komisiorik zuretzat. Kosturik gabe eduki ahal izango duzu, eta bidaiatzeko, autoak alokatzeko edo hurrengo hilean gastu handiagoko uneetan ordaintzeko bakarrik erabili ahal izango duzu.

Zure dirua babesteko sortutako kreditu txartela

  • Zure txartela ikusten badute, ez dute zenbaki pertsonalik ikusten. Inprimatuta ez daudelako eta, online erosketa bakoitzean, CVV kode esklusibo bat izango duzulako.
  • Zure online erosketa ez bada behar bezala heltzen, elkarrekin erreklamatuko dugu. Izan ere, zerbaitengatik ordaintzea erabakitzen baduzu, heldu behar da, ondo heldu ere.
  • Zure txartela erabiltzen badute, berehala jakingo duzu. Jakinarazpen bat bidaltzen dizugu erabiltzen den bakoitzean, eta zerbait susmagarria ikusten baduzu, app-etik itzali dezakezu.

Gainera, dena errazago ordaindu ahal izango duzu

50 €-tik gorako edozein erosketaren ordainketa zatika dezakezu, baita zure txartelaren hileko ordainagiri osoa ere, interesik gabeko 3 hilabetetan (%0ko ITNa, %0ko UTBa).

Eta, behar baduzu, zure ordainketak finantza ditzakezu

2 eratara egin dezakezu:

  • Ordainketa pertsonalizatu bidez dirua itzultzeko epea aukera dezakezu. Kuota independentea izango da hileko eragiketen ordainagiritik, eta, epearen arabera, komisioarekin, interesekin edo interesik gabe izan daiteke.
  • Zure txartelaren hileko kuota aukera dezakezu ordainketa geroratuarekin (revolving). Kuota finko bat ordainduko duzu geroratutako dirua interesekin itzuli arte.

Horrelako txartel baten bila ari zara?

Zure dirua babesten duen txartela, eta zure erosketak 3 hilabetetan interesik gabe ordaintzea ahalbidetzen dizuna (% 0ko ITNa, % 0ko UTBa). Zure Aqua Mas kreditu-txartela eska dezakezu, zure kontua BBVAn irekitzearekin batera

Garrantzitsua kontatu dizugu, orain xehetasuna azalduko dizugu

Abantaila guztiak segurtasunean

  • Ordaintzen duzunean begiratzen badute
    Inork ezingo ditu ikusi zure datuak, zenbaki inprimaturik gabeko txartela baita. Zuk bakarrik ikusi ahal izango duzu zure txartelaren gaineko informazio garrantzitsua zure app-etik.
    Internet bidez erosten baduzu

    Inork ezingo ditu kopiatu zure datuak, CVV kodea dinamikoa delako. Hau da, erosketa bakoitzean kode bat ematen dizugu.

    Internet bidez erosten duzunean, app-a begiratu eta erosketa horretarako CVV kodea ikusi besterik ez duzu egin beharko.

    Zure erosketa ez bada behar bezala heltzen

    Akatsekin heltzen bada, eskatu duzuna ez bada edo ez bada heltzen, erreklamazioa saltokian kudeatzen laguntzen dizugu, zure erosketaren ordainketa-dataren ondorengo 180 egunetan.

    Gatazkak Kudeatzeko Zerbitzuaren informazio gehiago

  • Galtzen baduzu
    BBVA app-etik itzali dezakezu eta berriro piztu aurkitzen duzunean. Horrela, beharrik gabeko arriskuak saihestuko dituzu.
    Atzerrian galtzen baduzu
    2 orduren buruan erabilgarri izango duzu eskudirua eta txartel berri bat bidaliko dizugu, behar izanez gero.
  • Beste norbaitek erabiltzen badu
    Jakinarazpen bat jasoko duzu zure txartela erabiltzen den bakoitzean. Horrela, zerbait arraroa gertatzen bada, horren berri izango duzu eta berehala blokeatu ahal izango duzu.
    Kutxazainean lapurreta bat jasaten baduzu

    Kutxazaineko lapurretagatiko aseguru bat izango duzu, eta honako hauek estaliko ditu:

    • Gehienez 600 € ezbehar eta txartel bakoitzeko; eta 1.200 € urtean txartel bakoitzeko.
    • Eskudirua atera eta 15 minutura arte.

    Aseguru honek 30 €-ko gastua kobratuko dizu frankizia bakoitzeko, kalte-ordaina emateko.

Komisioa du kutxazainetan eskudirua ateratzeagatik?

Aukeratzen duzun kutxazainaren eta ordaintzeko moduaren araberakoa da.
  • BBVA kutxazainetan

    Eragiketa egin aurretik, kutxazainak dirua nola atera galdetzen du:

    • Zordunketa aukeratzen baduzu, ez du komisiorik, %0.
    • Kredituan aukeratzen baduzu, %4ko komisioa du (gutxienez 4 €).

    Dirua atera aurretik, kutxazainak komisio zehatzaren berri emango dizu.

  • Beste banku batzuen kutxazainetan

    Eragiketa egin aurretik, kutxazainak dirua nola atera galdetzen du:

    • Zordunketan aukeratzen baduzu, beste bankuak bere kutxazaina erabiltzeagatik erabakitzen duen komisioa izango du.
    • Kredituan aukeratzen baduzu, bi komisio ditu: bata beste bankuak erabakitzen du bere kutxazaina erabiltzeagatik, eta bestea %+4koa (gutxienez 4 €) kreditura ateratzeagatik.

    Dirua atera aurretik, kutxazainak komisio zehatzaren berri emango dizu.

  • Espainiatik kanpoko kutxazainetan

    Eragiketa egin aurretik, kutxazainak dirua nola atera galdetzen du:

    • Zordunketan aukeratzen baduzu, %4,5eko komisioa du (gutxienez 3 €).
    • Kredituan aukeratzen baduzu, %5eko komisioa du (gutxienez 3 €).

Nola funtzionatzen du ordainketa bakarreko kreditu-txartelak?

Aqua Más kreditu-txartelaren funtzionamenduaren adibide bat da hau, hilaren amaieran ordainketa bakarrean ordainagiria ordaintzea erabakitzen baduzu.
  • 1. Kredituan muga bat duzu
    Krediturako diru-kopuru bat erabilgarri duzu zure txartelean, emandako kreditu-mugaren arabera.
  • 2. Hilean zehar egindako erosketak

    Txartelarekin erosten duzun bakoitzean, kreditu erabilgarriaren muga erabiltzen duzu, ez zure kontuaren saldoa.

    Kontuan izan zure txartelarekin erosi ahal izango duzula, une horretan kontuan dirurik izan ez arren. Beraz, garrantzitsua da zenbatekoa kontuan duzula ziurtatzea ordainagiria kobratzen denean.

    Eta zure muga gainditzen baduzu? Zure muga baino % 20 gehiago erabili ahal izango duzu, aparteko kopuruaren % 4ko komisioarekin, gutxienez 9 € eta gehienez 18 €.

  • 3. Hilabete amaieran ordaintzen duzu

    Likidazio-aldia hilaren 20an hasten da eta hurrengo hilaren 20an amaitzen da.

    Hilabete bakoitzeko 20an sortzen da zure kreditu txartelarekin aldi horretan egindako ordainketen likidazioari dagokion ordainagiria. Hilaren 20a egun baliogabea bada, horren aurreko egun balioduna izango litzateke.

    Ordainagiriaren kargu-data aukera dezakezu: likidazio hilabetearen 21ean edo hurrengo hilabetearen 5ean, eta edozein unetan alda dezakezu.

Ordainketak geroratzeagatiko interesak edo komisioak

  • Ordainketa Pertsonalizatua

    Zer interes ditu erosketa edo ordainagiri bat zatikatzeak?

    Ordainketa pertsonalizatuarekin, txartelarekin egindako edozein erosketaren ordainketa zatika egin dezakezu, baita txartelaren hileroko likidazioaren ordainagiria ere, betiere 50 € edo gehiagokoa bada.

    Hileko kuoten zenbatekoa kopuru finko bat izango da (kapitala eta interesak barne dituena interesak dituen ordainketa pertsonalizatua bada, eta kapitala barne duena komisioa duen ordainketa pertsonalizatu bat bada), eta hautatutako epearen araberakoa, gutxienez 3 hilabete eta gehienez 36 hilabete izango delarik. Kopuru hori hilabete bakoitzaren 5ean kargatuko da. 

    Lehen kuota ezberdina da bi kasuetan:

    • Interesak dituen ordainketa pertsonalizatuaren kasuan, soilik interesak txertatzen dira.
    • Komisioa duen ordainketa pertsonalizatuaren kasuan, geroratze-komisioa baino ez du barne hartzen.

    Behin txartela kontrataturik denean, bai BBVAren app-ean bai bbva.es webgunean kalkula dezakezu zein izango litzatekeen zure hileko kuota, aukeratzen duzun epearen arabera.

    Ordainketa pertsonalizatua interesekin ordaintzeko adibidea:

    ITN: % 21,60 urtean. Kredituaren muga: 1.500 €.

    • Aqua Más kreditu txartela 1.500 €-ko mugarekin kontratatzen baduzu, eta egun horretan bertan, adibidez 2024ko apirilaren 14an, zenbateko bereko erosketa bat egiten baduzu, hau da ordaindu beharko zenukeena 12 hilabetean zatikatzea aukeratzen baduzu:
      • Lehenengo kuota 14,20 €-koa izango da. Interesak bakarrik sartuko dira barne.
      • Hurrengo 11 kuotetako bakoitza 151,53 €-koa izango da.
      • Guztira 1.681,03 € ordainduko dira eta UTBa %23,79 izango da.

    Ordainketa pertsonalizatuaren adibidea komisioarekin:

    Geroratzeagatiko komisioa: % 0, % 4,30, % 5,20 edo % 6 finantzatutako zenbatekoaren gainean, hautatutako 3,4, 5 edo 6 hilabeteko epearen arabera.

    ITN: % 0 urtean. Kredituaren muga 1.500 €.

    Jarraian zehazten dira ordainketa pertsonalizatuaren adibideak, 3 eta 6 hilabete arteko komisioarekin. Kasu guztietan ITNa % 0 da.

    • Aqua Más kreditu txartela 1.500 €-ko mugarekin kontratatzen baduzu, eta egun horretan bertan, adibidez 2024ko apirilaren 14an, zenbateko bereko erosketa egiten baduzu. 
      • 3 hilabetetan zatitzea aukeratzen baduzu:
        • Hilean 500 € ordainduko dira hilero hiru hilabetez. 
        • Guztira 1.500 € ordainduko dira eta UTBa % 0koa izango da.
      • 4 hilabetetan zatikatzea aukeratzen baduzu:
        • Lehenengo kuota 64,50 €-koa izango da, eta gerorapena kudeatzeko komisioa bakarrik hartuko du barne, hau da, finantzatutako zenbatekoaren % 4,30.
        • Hurrengo 4 kuotak 375 €-koak izango dira, eta bakoitzak kapitala bakarrik hartuko du.
        • Guztira 1.564,50 € ordainduko dira eta UTBa %18,84 izango da.
      • 5 hilabetetan zatikatzea aukeratzen baduzu:
        • Lehenengo kuota 78 €-koa izango da, eta gerorapena kudeatzeko komisioa bakarrik hartuko du barne, hau da, finantzatutako zenbatekoaren % 5,20.
        • Hurrengo 5 kuotak 300 €-koak izango dira, eta bakoitzak kapitala bakarrik hartuko du.
        • Guztira 1.578,00 € ordainduko dira eta UTBa %19,75 izango da.
      • 6 hilabetetan zatitzea aukeratzen baduzu:
        • Lehenengo kuota 90 €-koa izango da, eta gerorapena kudeatzeko komisioa bakarrik hartuko du barne, hau da, finantzatutako zenbatekoaren % 6.
        • Hurrengo 6 kuotak 250 eurokoak izango dira, eta bakoitzak kapitala bakarrik hartuko du.
        • Guztira 1.590 € ordainduko dira eta UTBa %20,09 izango da.

    Sistema hau eskatu den likidazio zehatz bakoitzari aplikatzen zaio berariaz.

  • Kouta finkoa duen ordainketa geroratuaren adibidea:

    Adibide hau banku zerbitzu eta produktuen publizitatea arautu eta kontrolatzeari buruzko EHA/1718/2010 Aginduak eskatzen duenarekin bat egiten da. Horren baldintzek ez dute zertan bat etorri kontratuarenarekin.

    1.500 €-ko erosketa bat egiten baduzu %19,80ko ITNarekin eta hilean 45,49 €-ko kuota finkoa ordaintzea aukeratzen baduzu, hauxe ordaindu beharko zenuke:

    • 45,49 €-ko hileko 48 kuota. 
    • Ordaindu beharreko guztizko zenbatekoa 2.183,52 € da, eta UTBa %22,02.

    GARRANTZITSUA: Aqua Más kreditu txartelaren likidazio sistemarekin kreditua beti ezin da amortizatu 48 hileko kuota konstantetan, amortizatzeko gutxieneko zenbatekoa xedatutako saldoaren %3 delako. Horrek esan nahi du hilabete bakoitzean hurrengo kantitateetako handiena ordainduko duzula:

    • Aukeratu duzun kuota, kapitalek, interesek eta komisioek osatua.
    • Edo likidazio aurretik xedatutako saldoaren %3 gehi aldiko interesak eta komisioak. 

    Txartel hau kontratatzen baduzu eta egun berean, adibidez 2024ko apirilaren 14an, 1.500 euroko erosketa bat egiten baduzu eta hilaren 5ean 37 €-ko kuota bat ordaintzea erabakitzen baduzu, 48 hilabetetan ordaindu beharreko zenbatekoa, %19,80ko ITNa aplikatuta, 2.081,67 € izango litzateke. UTBa %21,69 izango da.

    Gogoan izan kuota hilaren 5ean ordaintzea aukeratzen baduzu, zeure gain hartu beharko dituzula likidazio-datatik ordainketa-datara bitarteko interesak.

    *Eskaintzak indarrean dagoen hilabetean balio du.

Jada ezagutzen duzu Aqua Más txartelaren inguruko guztia

Zure Aqua Mas kreditu-txartela eska dezakezu BBVAn zure kontua irekitzearekin batera. Interesatzen zaizu?

Zalantzarik ba al duzu?
Aqua Más kreditu txartela
Eskatu