BBVA TRADERen CFDrekin aritzen hasteko gida azkarra

Lehen-lehenik, BBVA Trader CFDan kontu bat irekitzea eskatu behar da (jada BBVA Trader-en bezero zarenean). Kontua ireki ondoren, saldoa sartu edo intsuldatu behar duzu zure BBVA Trader CFD kontuari lotutako eskudiruzko kontuan CFDrekin eragiketak egiten hasi ahal izateko. Zure BBVA Trader CFD kontuak saldo negatiboa babesteko aukera du. Hala, zure CFD produktuaren bitartezko eragiketan ez duzu galduko zure BBVA Trader CFD kontuari atxikitako eskudiruzko kontuan jarri izan duzun baino diru gehiago. Gogoan izan kontu honetan ez duzula sartu behar CFDtan eragiketak eginez galtzeko prest egon behar zinatekeen baino diru gehiago, CFDa arrisku handia duen produktu finantzario konplexu bat delako, palanka-efektua dela-eta inbertitzaileek bere gain hartu beharko dituen galerengatik.

Diru errealarekin eragiketak egin aurretik, doako demo kontu batekin egin dezakezu. Zure DEMO kontua eska dezakezu e-posta honetara idatziz: bbvatradercfd@bbvatrader.com. DEMO kontuaren bitartez probatu dezakezu web-plataforman eta BBVA TRADER CFDren aplikazio mugikorrean CFDtan eragiketak egiten, benetako dirua arriskatu gabe. 

Gogokoen zerrenda bat edo gehiago sortu ahalko duzu/dituzu interesatzen zaizkizun azpiko aktiboen jokabidearen jarraipena egiteko. Gogokoen zerrenda horretan jarraitu ahalko dituzu denbora errealean CFDren prezioak, eta interesatzen zaizun CFDaren deskripzio orokor bat ere izango duzu eskura. Gogokoen zerrenda bat edo gehiago konfiguratu dezakezu erraz, zeure nahien arabera.  

BBVA Trader CFDren pantailaren goikaldean denbora errealean ikusi dezakezu zure kontuaren saldoen bilakaera. Garrantzitsua da monitorizatzea posizioak irekita dituzunean.

CFDren Kontuaren saldoa: CFDren zure kontuan guztira dagoen eskudirua da. Gezia sakatzen baduzu, egunean zehar eskudirutan izandako mugimenduak ikus ditzakezu honela banatuta:

i) burututako eguneroko IetaG-ak,

ii) Gordailuak,

iii) Eskudiruzko ateratzeak,

iv) Besterik

v) Komisioak.

IetaG burutu gabe: CFDtan irekita dituzun posizioen balioan egungo negoziazio egunean gertatutako aldaketak jasotzen ditu.

Eguneroko IetaG = eguneroko IetaG-a + burutu gabeko IetaG-a, hots, egungo negoziazio egunean irekitako eta itxitako posizioen irabazien eta galeren gehiketa.

Kapital osoa = kontuaren saldoa + burutu gabeko IetaG, hots, kapital osoa da zure kontuan duzun eskudirua gehi irekita izandako posizioetatik eratorritako irabazi edo galera burutu gabeak. Irekitako posizioak baldin badituzu, kapital osoaren zati bat blokeatu egiten da marjina gisa. Kapital osoak handiago izan behar du eskatutako marjina baino.

Atxikitako Marjina: irekitako posizio guztietan erabilitako marjina azaltzen du. Hori da zure kontuan blokeatuta dagoen zenbatekoa, merkatuaren kontrako mugimenduen aurrean babesteko erabiliko dena. Marjina denbora errealean kalkulatzen da, eta irekitako posizioen balioa mugitu bezain laster aldatuko da. Marjinak xehetasun handiagoz azaltzen dira jarraian.

Kapital askea: kapital askea da negoziatzeko erabilgarri dagoen kantitatea eta kapital osoa ken irekitako posizioentzat atxikitako marjinaren emaitza.

Marjinaren erabilera-barra: Kontuko saldoen gainean, BBVA Trader CFDak pantailaren goikaldean, Marjinaren erabilera-barra dago. Atxikitako Marjina / Kapital Osoa erlazioa erakusten du, hots, guztizko kapitalaren zenbat erabiltzen den atxikitako marjina gisa. Barraren eskuinaldean diren atal laranja eta gorriek azaltzen dute marjina noiz heltzen den kapital osoaren %80ra eta noiz %90era. Hori gertatzen denean, dagozkion jakinarazpenak aktibatzen dira. 

CFDtan posizio luze bat edo labur bat irekitzeko, erosketa edo salmenta agindu bat egingo dugu aginduen leihoaren bitartez. Aginduen leihoa irekitzen da CFD bakoitzaren Jarraipen /Gogokoen zerrendan Erosi edo Saldu botoian sakatzen duzunean (badaude aginduen leihoa irekitzeko beste hainbat modu ere). Bi prezio daude CFD bakoitzarentzat: sartzen den aginduaren arabera saldu edo erosi.

CFDan posizio luze bat irekiko dugu erosketa agindu bat sartuta, eta pantailan "Erosi" izeneko etiketaren azpian azaltzen den prezioan negoziatuko da. Posizioa ixten duzunean, pantailaren "Saldu" etiketaren azpian azaltzen den prezioan egingo duzu. Hurrengo irudian erakusten da aginduen leihoaren adibide bat US TECH 100 indizean agindu bat sartzeko.

Hurrengo adibideak modu errazean adierazten du ez dagoela komisiorik eta posizioa egun berean ixten dela, eta beraz, ez dela finantzazio kosturik aplikatzen.

Erosketa prezioa (CFDren posizio luze bat irekitzeko) 13.251,75 da. Salmenta prezioa (CFDren posizio labur bat irekitzeko) 13.249,75 da. Adibide horretan, erosketa agindu bat sartuko dugu "Merkatua"n, eta esan nahi du eragiketa une horretan diren erosketa prezioetan gauzatuko dela. 5 kontratu erostea erabaki genuen CFDtan, "kantitatea" 5ean ezarrita. Nozionala da azpiko aktiboaren balioa, hots, Kopurua x Erosketa Prezioa = 5 x 13.251,75 = 66.258, USD.  Marjina nozionalaren portzentaje finko bat da, eurotan adierazita.

Agindua merkatura bidali eta gauzatua denean, posizio luze bat irekita izango duzu CFDan US TECH 100 indizearen gainean. "Merkatua" izenarekin hautatu diren agindu motak esan nahi du eragiketa BBVA Trader CFD plataformak agindua atzitu bezain laster gauzatuko dela, une horretan den erosketa prezioan. Adibide horretan, eragiketa 13.251,75 USDtan egiten dela onartzen dugu, baina gutxiago edo gehiago izan daiteke azpiko aktiboak une horretan duen balioaren arabera.

Eragiketa prezio zehatz batean burutu nahi baduzu, "Mugatua" den agindu bat egiteko aukera duzu. Horren bidez, azpiko aktiboak merkatuan duen erosketa prezioa sartu duzun mugako prezioaren parekoa edo handiagoa denean (inbertitzailearen ikuspegitik) bakarrik gauzatuko da eragiketa.

Eragiketa gauzatu eta berehala eguneratzen dira kontuko saldoak. Adibidean posizioa irekitzeko eskatutako hasierako marjina 2.716,64 EUR izan da; horrek esan nahi du atxikitako marjina igo egiten dela kantitate horretan eta erabilgarri den kapitala -kapital osoaren eta atxikitako marjinaren arteko diferentzia-, aldiz, jaitsi egiten dela. Marjina hori kalkulatzen da eragiketaren nozionalaren gainean, dagokion truke-tasa aplikatu ondoren.

Komisioa aplikatzen zaion CFD baten kasuan, komisio horren zenbatekoa erabilgarri den kapitaletik kenduko da. Inbertitzaileak BBVA Trader CFDtan aritzeko bere gain hartu beharreko balizko kostuak jakiteko, sakatu dezakezu link honetan.

Eragiketa burutua denean, CFDko posizioa "Irekitako posizioak" leihoan azalduko da. Hemendik denbora errealean ikusi ahalko duzu CFDtan duzun posizioa, eta CFDtan irekita dituzun posizioak ere itxi ahalko dituzu. Aurreko adibidearekin jarraituz, "Irekitako posizioak" leihoak honako informazio hau erakutsiko du eragiketa egin ondoren (US TECH 100 indizearen prezioa oraindik mugitu gabe baldin badago).

Salmenta prezioa, erosketa prezioa: Prezioek 5 USD egin dute gora baina spread-a (eskaintzaren eta eskariaren arteko prezioaren aldea) 1 USD jarraitzen du izaten.

• Kontratu kopurua: erositako CFD kopurua ez da aldatu.
• Exekuzio prezioa: eragiketa gauzatu zeneko prezioa ez da aldatu.
• Nozionala: salmenta prezioaren gehikuntza x kontratu kopurua / truke-tasa = 13.254,75 x 5 / 1,22 = 54.322,75 EUR.
• Burutu gabeko IetaG: (Salmenta prezioa - Exekuzio prezioa) x Kontratu kopurua CFDko posizio luze bat izateagatik (13.254,75 – 13.251,75) x 5 = 15 USD = 12,30 EUR
• Marjina: CFDko posizio horri aplikagarria den marjina igo egiten da nozionalaren balioak gora egin duelako; hori dela eta, atxikitako marjina ere igo egiten da.

Marjinaren parametroa x nozionala = %5 x 54.322,75 EUR = 2.716,14 EUR

Salmenta prezioa, erosketa prezioa: Prezioak 10 USD jaitsi dira baina spread-a (eskaintzaren eta eskariaren arteko prezio aldea) 2 USD jarraitzen du izaten.

• Kontratu kopurua: erositako CFD kopurua ez da aldatu.
• Exekuzio prezioa: eragiketa gauzatu zeneko prezioa ez da aldatu.
• Nozionala: salmenta prezioa x kontratu kopurua / truke-tasa = 13.239,75 x 5 / 1,22 = 54.261,27 EUR
• Burutu gabeko IetaG: (Salmenta prezioa - Exekuzio prezioa) x Kontratu kopurua = (13.239,75 – 13.251,75) x 5 = -60 USD = -49,18 EUR 
• Marjina: Kasu horretan, CDFren posizio horri aplikagarria den marjina murriztu egiten da nozionalaren balioa jaitsi egin delako, eta beraz, atxikitako marjina ere murriztu egingo da.

Marjinaren parametroa x nozionala = %5 x 54.261,27 EUR = 2.713,06 EUR

US TECH 100 indizean CFDan irekitako posizio baten bizialdian indize horren prezioan izaten diren aldaketek ez diote soilik eragingo irekitako posizioaren leihoko baloreei, arestian azaldu moduan, kontuaren saldoei ere eragingo die. Saldo horiek pantailaren goikaldean azaltzen dira, non burutu gabeko IetaG-an izandako aldaketak, atxikitako marjina eta eskuragarri den kapitala gehitzen baitira irekitako posizio guztietan.

Irekitako posizioa itxi nahi baduzu, "Irekitako posizioak" leihoan "Itxi" sakatuz egin dezakezu. "Aginduaren Sarrera" leihoa zabalduko da, ixteko agindua berretsi dezazun. Agindua gauzatu ondoren, irekitako posizioa desagertu egingo da "Irekitako posizioak"etik. Gure adibidean, burutu gabeko IetaG burututako IetaGan bihurtuko da = - 60 USD = - 49,18 EUR. Posizio horretarako marjina askatu egingo da, eta beraz, murriztu egingo da atxikitako marjina. 

CFDko posizioarekin jarraitzen baduzu azpiko aktiboaren negoziazio ordutegia amaitu ondoren edo EZOko 22:00ak ondoren (Overnight Posizioa), kontuan izan behar duzu kostu gehigarri bat dagoela, Nozionalaren gainean Aplikatutako Finantzazio Kostua izenekoa. Zenbateko hori kontuan hartuko da eguneroko likidazoaren kalkuluak egiterakoan, eta dagokion zenbatekoa zure eskudiruzko kontuan kargatu edo abonatuko da, hala dagokionean. Finantzazio kostuei buruzko xehetasun gehiagorako, kontsultatu BBVA Trader CFDren Tarifak.

Adibidea. US TECH 100 indizeko 5 CFD erosten dituzu. Erosketa prezioa 13.251,75 USD; Truke-tasa 1,22; Nozionala 54.310,45 EUR

Overnight posizioari eusten badiozu eta merkatua 13.260,75ean ixten bada, burutu gabeko hurrengo galera eta irabaziak izango zenituzke: 13.260,75 USD – 13.251,75 USD = 9 USD x 5 = 45 USD / 1,22 = 36,88 EUR.

Alderantziz, merkatua 13.230,75 USDrekin ixten bada; burutu gabeko galera-irabazi batzuk izango zenituzke: 13.230,75 USD – 13.251,75 USD = - 21 X 5 = - 105 USD / 1,22 = - 86,06 EUR.

Finantzazio kostua: Nozionala x (diferentziala + interes-tasa (adibidean, USDLIBOR 1M / 365 = 54.310,45 EUR (%2,5 + %0,09) / 365 = 3,85 EUR / eguneko.

Marjinak nozionalaren portzentaje gisa kalkulatzen dira (Marjinaren Parametroa). Marjinaren parametroa, normalean, finkoa da aktibo mota bakoitzaren arabera, eta produktuaren eta, are, aginduaren xehetasunetan kontsulta dezakezu. Garrantzitsua da hori, marjina eskakizunak gorantz doitu daitezkelako aldi baterako. Pantailaren goikaldean azaltzen den Eskatutako Marjina da irekita diren posizio guztientzat gehitutako marjina, eta handienaren bezala kalkulatzen da:

i) PFDtan irekitako posizio guztientzako hasierako marjinen gehiketaren %50, eta

ii) denbora errealeko marjinen gehiketa, CFDtan irekitako posizio guztientzat kalkulatutako marjinak.

Eskatzen den marjina kapital osoaren berdina izatekotan, hau da, kapitalik ez dagoenean erabilgarri, Posizioen Itxiera delakoari emango zaio hasiera, non irekitako posizioak automatikoki ixten diren kapital osoa, gutxienez, eskatutako marjina baino %50 gehiago izan arte. Sistema marjina handieneko posizioak hasiko da saltzen irekita dagoen azpiko aktiboa negoziatzeko merkatuan.

Marjinari buruzko jakinarazpenak, oro har, eskatutako marjina kapital osoaren %80ra eta %90era heltzen denean egiten dira. Posizioak ixteko prozedura hasi liteke BBVA Trader CFDak aurreko jakinarazpen horiek egin gabe ere, baldin eta BBVAri horiek egiteko denborarik ematen ez duten mugimendu azkarrak gertatuko balira merkatuan.

Beraz, posizio baten Hasierako Marjina da posizioa irekitzean kalkulatu zen marjina. Posizio batentzako denbora errealeko Marjina da BBVA Trader CFD plataforman une bakoitzean azaltzen diren prezioak erabiliz kalkulatutako marjina.

Agindua gauzatu aurretik, aplikatuko diren hasierako kostu eta gastuen laburpen bat azaltzen da bertan. Kostu eta gastu horiek agindua betearazi aurretik jasoko duzun kontratuaurreko dokumentazioan (Zerbitzuaren Informazio Eranskina) ere kontsultatu ahalko dituzu.

Hauek dira CFDtan eragiketak egiterakoan kostu garrantzitsuenak:

• • Irteera kostua = Komisioa (hala badagokio) + Spread-aren erdia bider kontratu kopurua.
• Irteera kostua = Komisioa (hala badagokio) +spread-aren erdia bider kontratu kopurua.
• Finantzazio kostua = interes-tasen diferentziala (+/-) x hurrengo egun baliodunera arteko egunak / 365. BBVA Trader CFDren finantzazio kostua kalkulatzeari buruzko informazio gehiagorako, link honetan sakatu dezakezu.

BBVA TRADER CFDan tresna bat dago Eragiketen Egunerokoa izenekoa, eta zure eragiketen irabazi eta galeren (IetaG) laburpen bat eskaintzen du, azpiko aktibo motaren arabera sailkatuta.