Zer dira CFDak?

• CFDei esker, posizio luze bat edo labur bat ireki dezakezu azpiko aktiboen aukera zabal batean, txikizkako bezeroentzat normalean eskuragarri edo erabilgarri ez direnetan. Esate baterako, EUR/USD gisako azpiko aktiboak.
• Azpiko aktiboaren kostu osoa jarri beharrik gabe eragiketak egiteko aukera ematen dute, eragiketa horretarako eskatzen den marjina bakarrik jarrita (palanka-efektua).
• Gauzatzeko erraztasuna.
• Saldo negatiboaren babesa: gehienez galduko duzuna CFDren esku-diruzko kontuan jarritako kapitalera mugatzen da.

• CFDren esku-diruzko kontuko kapitala epe labur batean galdu daiteke palanka-efektuagatik.
• Inbertsio batek jarraipen arduratsu eta etengabea eskatzen du.
• Kreditu arriskua du kontrapartidarekin, arriskuei buruzko dokumentuan azaltzen den moduan.

Spread-a deitzen diogu CFD batentzat berarentzat erosketa prezioaren eta salmenta prezioaren artean azaltzen den aldeari, erosketa prezioa beti handiagoa izanik salmenta prezioa baino.

ALEMANIA 30 indizearen gaineko CFDaren aurreko adibideari jarraituz, ikusten dugu ez dela mugitu Azpiko Aktiboaren Erreferentziazko Prezioa, eta eragiketen emaitza izan da spread-aren pareko galera bat, hau da, kontratuko dolar bat. Beraz, CFDtan aritzean irabaziak lortzeko merkatuak gure alde jokatu beharko luke kasu bakoitzean (gorantz, posizio luzea baldin badugu; beherantz, posizio laburra badugu), spread-aren baino zenbateko handiagoan. Horregatik, spread-a da CFDren eragiketekin lotuta giltzarri den kostuetako bat.

Spread-ari hainbat faktorek eragin diezaiokete, besteak beste likideziak, azpiko aktiboan zeinen erraz erosi eta saldu daiteken zehaztu baitezake.

Likidezia handiak spread doituago bat sortzen du; likidezia baxu batek, aldiz, diferentzial handiagoa eragin dezake. Spread-a denboran aldatu egin daiteke. Azpiko aktiboan preziorik ez badago eskuragarri, adibidez, negoziazioa eten egin zaion akzio baten kasuan, baliteke BBVA Trader CFDak ez uztea CFDtan posiziorik irekitzen azpiko aktibo horren gainean. 

CFDrekin lotutako beste kostu batzuk:

- CFDren posizio bat egun batean baino gehiagoz mantentzen baduzu, finantzazio kostu bat sortuko du, positiboa edo negatiboa izan daitekena, posizio eroslea edo saltzailea denaren eta erreferentziazko interes-tasaren arabera.

- CFD batzuen kontratazioak (akzioak eta etokizunekoak, BBVA Trader CFDren kasuan) "Bitartekaritzagatiko Komisioa" darama berekin, eragiketa gauzatzerakoan bezeroaren CFDren esku-diruzko kontuan likidatzen dena. Eragiketaren nozionalaren gainean posizio bat irekitzen edo ixten den bakoitzean aplikatzen den komisio bat da.

Kontsultatu dagokion tarifen zerrenda.

Oro har, CFDek ez dute mugaegunik, hots, CFDtan posizio bat irekitzen duzunean zabalik egongo da ixtea erabakitzen duzun arte, etokizunekoen gaineko eta mugaegun jakin bat duten lehengai batzuen CFDak direnetan izan ezik. Adibidez, XXX konpainiaren 30 akzioko posizio labur bat baldin baduzu CFDan, CFDren posizioa itxi egingo da XXX konpainiaren 30 akzio erosteko agindua gauzatzen denean.

Bestalde, kontuan hartu behar da badirela gertaera batzuk CFDtan den posizioa automatikoki ixtera eraman dezaketenak, marjinaren betekizunari eusteko behar den aski kapital izatearen betekizuna ez betetzeagatik, kasu. Posizioak automatikoki itxi aurretik, marjinaren kontsumoaz ohartaraziko dizuten jakinarazpenak jasoko dituzu, eta kapital gehiago jarri ahalko duzu posizioen itxiera hori gerta ez dadin.

CFDren ezaugarri nagusietako bat da marjina eskatzen dela.

CFDrekin egindako eragiketen bidez posizio bat mantendu dezakezu azpiko aktibo jakin baten gainean, horretan zuzenean inbertitzeak eskatzen duen eragiketaren kostu osoa jarri gabe.

Marjina deitzen zaio CFDan posizio bat irekitzeko behar den diruzko kantitateari, eta azpiko aktiboari dagokion balioaren portzentaje gisa kalkulatzen da. 

CFDtan posizioa irekita den bitartean, marjinaren zenbatekoa zure kontuan atxikita geratuko da, eta ezingo da erabili beste eragiketa batzuetan.  Behin CFDean posizioa ixten denean, marjina libratu egingo da eta eskuragarri dagoen kapitalari gehituko zaio, eragiketekin jarraitu ahal izateko. 

CFDan posizio bat irekitzen duzunean eskatzen den marjinari Hasierako Marjina deitzen zaio. Posizioak irekita jarraitzen duen bitartean, marjina etengabe birkalkulatzen da Azpiko Aktiboaren Erreferentziazko Prezioan gertatzen diren aldaketen arabera.

Merkatua zure kontra aritzen bada, zure kontuko saldoa baliteke nahikoa ez izatea marjinaren betekizunak betetzeko. Hori gertatzen bada, BBVA Trader CFD tresnak arrisku egoeraz ohartaraziko dizu, CFDtan dituzun posizioetatik irten zaitezen edo beste funts gehigarri batzuk erantsi ditzazun zure kontura, marjinaren betekizunak betetzeko nahikoak izango direnak. Marjinaren betekizun horiek ez badira betetzen, automatikoki itxiko dira CFDtan irekitako posizioak, eta hasieran jarritakoa baino kapital gehiago galtzea eragotziko du.