BBVA Quality Inversión inbertsio-funtsak

BBVA Quality Inversión funtsek ahalbidetu egiten dute sartzea, soluzio bakarrean, mundu-mailako merkatuen potentzial osora. Esperientzia zabaleko profesionalen taldeak erabakitzen du, malgutasunez, une bakoitzeko aktibo finantzarioen konbinazio egokiena (errenta aldakorra, errenta finkoa eta diru-aktiboak, nagusiki). Gainera, profilatutako funtsak direnez, egokitu egiten dira inbertitzaile bakoitzaren arriskuarekiko tolerantzia maila desberdinetara. Eta etekina ateratzen du inbertsio-funtsen abantaila fiskaletatik.

Profilatutako funts-sorta hori hiru funtsez dago osatuta:

Quality Inversión Conservadora FI. Errenta aldakorreko aktiboetan inberti dezake % 0 eta 30 artean, horregatik, nahiz eta lor daitezkeen errentagarritasunak baxuagoak izan segurtasuna lehenesten duten inbertitzaileei bideratzen da. Errenta finkoan egindako inbertsioaren % 90 gutxienez kreditu-kalitate altukoa izango da, % 5eko muga izanez rating gabeko aktiboetan. Euroa ez den beste monetetan egindako inbertsioa totalaren % 100era iritsi ahal izango da. Ondarearen % 50 gutxienez beste funts batzuetan egongo da inbertituta (BBVA taldekoa edo ez).

Arrisku-eskalaren barruan, 1etik 7ra doan horretan, Quality Inversión Conservadorak 3ko kalifikazioa du (arrisku ertain-baxua).

Quality Inversión Moderada FI. Errenta aldakorreko aktiboetan % 20 eta % 60 inberti dezake, hortaz, egokia da kapitalaren hazkundearen eta arriskuen kudeaketaren arteko ikuspegi orekatua bilatzen duten inbertitzaileentzat. Kalitate baxuko errenta finkoetako jaulkipenetarako (BBB- baino baxuagoak) guztizko esposizioa mugatuta egongo da % 30era, barne hartuz rating gabeko aktiboetan % 5eko muga. Euroa ez den beste monetetan egindako inbertsioa totalaren % 100era iritsi ahal izango da. Ondarearen % 50 gutxienez beste funts batzuetan egongo da inbertituta (BBVA taldekoa edo ez). Arrisku-eskalaren barruan, 1etik 7ra doan horretan, Quality Inversión Conservadorak 4ko kalifikazioa du (arrisku ertaina).

Quality Inversión Decidida FI. Errenta aldakorreko aktiboetan % 50 eta % 90 artean inberti dezake, hortaz, egokia da arriskuarekiko tolerantzia handia duten inbertitzaileentzat, zeinak kapitalaren hazkundea lehenesten duten. Kalitate baxuko errenta finkoko jaulkipenetarako (BBB- baino baxuagoak) guztizko esposizioa mugatuta egongo da % 50era, barne hartuz rating gabeko aktiboetan % 5era. Euroa ez den beste moneta batzuetako inbertsioak zorroaren % 100 har dezake. Ondarearen % 50 gutxienez beste funts batzuetan egongo da inbertituta (BBVA taldekoa edo ez).

Bere arrisku-profila ertaina da, 4koa 1etik 7rako eskalan.

Hiru kasuetan, gutxieneko inbertsioa 600 eurokoa da, eta gomendatu egiten da hiru urte baino gehiagoko inbertsio-aukerarako.

BBVA Quality Inversión sorta bezalako profilatutako inbertsio-funtsak inbertitzaile mota guztien arrisku-profilera egokitzea bilatzen dute, kontserbadoreak, zuhurrak, moderatuak, dinamikoak edo agresiboak izan. Aktibo finantzario klase desberdinetan zein eremu geografiko eta dibisetan dago dibertsifikatuta bere zorroa, betiere errespetatuz profil bakoitzarentzat definitutako arriskuarekiko tolerantzia maila.