Revolving ordainketa geroratuarekin, zure txartelaren gastuaren kuota finko bat ordaindu hilero. Ordaintzeko modu horrek interesak ditu.
- ITN: %15.
- Kreditu-txartelaren jaulkipen eta mantentzeagatiko urteko komisioa: 0 €.
Hileko kuotaren likidazio-data hilabete bakoitzaren 20an egiten da. Hala ere, ordainagiria 5ean ordaintzea aukeratzen baduzu eta geroratutako ordainketa aukeratuta baduzu, zeure gain hartu beharko dituzu likidazio-datatik ordainketa-datara bitarteko interesak.
Gutxieneko hileko zenbatekoa 20 € da, eta hortik gorako edozein kopuru aukera dezakezu.
Aukeratutako kuota, lehenik eta behin, adostutako interesak eta gastuak ordaintzera zuzentzen da eta, bigarrenik, eskuragarri jartzen ari zaren kreditua edo saldoa amortizatzera. Arrazoi horregatik, kuota murriztuak aukeratuz bide ematen zaio kreditua soilik hondar-proportzioan amortizatzeko.
Behin txartela kontrataturik denean, bai BBVAren app-ean bai bbva.es webgunean kalkula dezakezu amortizazio epea aukeratu izan duzun ordaintzeko eraren arabera, eta guztira ordaindu beharreko interesak ere, baldin baleude.
Espainiako Bankuaren revolving txartelen simulatzailea ere erabil dezakezu kalkulatzeko zure txartelaren gutxi gorabeherako kuota, ordaindu beharreko zenbatekoak eta gastuaren eta ordaintzeko moduaren arabera guztia ordaintzea amaituko duzun data.
Gogoratu zure txartelaren ordainketa modua nahi duzunean alda dezakezula.
Atzeratutako ordainketaren adibidea revolving kuota finkoarekin
Adibide hau banku zerbitzu eta produktuen publizitatea arautu eta kontrolatzeari buruzko EHA/1718/2010 Aginduak eskatzen duenarekin bat egiten da. Horren baldintzek ez dute zertan bat etorri kontratuarenarekin.
1.500 €-ko erosketa bat egiten baduzu %15eko interes-tasarekin eta hilean 41,75 €-ko kuota finkoa ordaintzea aukeratzen baduzu, hauxe ordaindu beharko zenuke:
- 41,75 €-ko hileko 48 kuota.
- Ordaindu beharreko guztizko zenbatekoa 2.003,81 € izango da eta UTBa %15,95.
GARRANTZITSUA: A Tu Ritmo txartelaren likidazio sistemarekin kreditua ezin da amortizatu beti 48 hileko kuota konstantetan, amortizatzeko gutxieneko zenbatekoa xedatutako saldoaren %3 delako. Horrek esan nahi du hilabete bakoitzean hurrengo kantitateetako handiena ordainduko duzula:
- Kapitalak, interesek eta komisioek osatuta aukeratutako kuota.
- Edo likidazio aurretik xedatutako saldoaren %3 gehi aldiko interesak eta komisioak.
Beraz, txartel hori kontratatzen baduzu eta egun berean, adibidez 2021eko maiatzaren 1ean, 1.500 €-ko erosketa bat egin eta hilaren 5ean 35 €-ko kuota bat ordaintzea aukeratzen baduzu, 48 hilabtetan guztira ordaindu beharreko zenbatekoa 1.946,47 € litzateke, %15eko urteko ITNa aplikatuta. UTBa %16,07 izango da.
Gogoan izan kuota hilaren 5ean ordaintzea aukeratzen baduzu, zeure gain hartu beharko dituzula likidazio-datatik ordainketa-datara bitarteko interesak.
