Sakatu enter
Iradokizunak

    Irailaren 9a

    Ibilgailu elektrikoaren eguna

    Ibilgailu elektrikoek erregaian aurrezten dute eta ingurumena babesten dute.

    Zer da Ibilgailu Elektrikoaren Eguna?

    Ibilgailu Elektrikoaren Eguna da ibilgailu elektrikoek mugikortasun jasangarriaren hazkundean (mundu mailan) duten garrantzia eta horrek ingurumenaren zainketan duen inpaktu positiboa (atmosferara berotegi efektuko gasen isurketa murriztearen ondorioz) nabarmentzen den eguna. Jai hori ABB eta Green TV sozietateek sortu zuten 2020. urtean.

    Noiz da Ibilgailu Elektrikoaren Eguna?

    Ibilgailu Elektrikoaren Munduko Eguna 2020ko irailaren 9an ospatu zen lehen aldiz, eta data hori ezarri zuten gainerako urteetarako ere.

    Nork asmatu zuen ibilgailu elektrikoa?

    Ibilgailu elektrikoa guretzat nahiko kontu berria bada ere, badira bi mende sortu zela. 1827. urtean, Ányos István Jedlik-ek lehen motor elektrikoa jarri zuen martxan, eta ibilgailu txiki bati erantsi zion. Handik bost bat urtera, 1832an, Robert Anderson-ek bere bateriadun auto elektrikoa sortu zuen. Akats bakarra zuen: ezin zela kargatu. Halere, 1880. urtean asmatu ziren lehen bateria kargagarriak, eta, ondorioz, horiek zeramatzan modelo berri bat sortu zuten 1899an. Lehen saiakera haiek abiapuntua besterik ez ziren izan ordutik ibilgailu elektrikoaren garapenean eta kargaguneak sortu eta garatzen lan egin izan duten guztientzat, gaur egun eskura dugun teknologiara heltzeraino.

    Ibilgailu elektrikoaren ezaugarri nagusiak

    Irailaren 9 honetan ibilgailu elektrikoen balioa nabarmentzen da, zeinak ezaugarri hauek baitituzte:

    • "Erregaian" aurreztu, argindarra gasolina edo gasoila baino merkeagoa delako.
    • Zerga gutxiago ordaindu, atmosferara egiten diren isurpenak 0 direlako.
    • Tailerrera hainbeste eraman beharrik ez izatea, matxura gutxiago eta, gainera, mantenimendu txikiagoa duelako.
    • Aparkatzea erraztu, batik bat hiri handietan.
    • Bus/VAO erreiatik zirkulatu ahal izatea.

    Auto elektriko baten erosketa finantzatu nahi baduzu, simulatu zure mailegua

    Informazio gehiago behar duzu?

    Auto elektriko baten kargaguneak dira autoaren bateriak kargatzea ahalbidetzen duten tokiak. Hainbat mota daude:

    • Hormako kargagunea (edo Wallbox): edozein ibilgailu elektriko (edo hibrido) motarako erabilgarria, jarriko den garajearen hormari ainguratze batzuk eskatzen ditu hura instalatzeko. Etxeko argindarrarekin ibili ohi dira. Horiek dira ohikoenak, duten prezioagatik eta erabilerrazak direlako.
    • Zutoineko kargagunea: kargagune bat sortzerako enpresek eta administrazio publikoek gehien erabiltzen dutena da. Karga 4 egoeran jarrita ahalbidetzen du; hala, 30 minuturen buruan bateriaren %80 kargatuta da. Ez da era iraunkorrean erabiltzea gomendatzen, epe ertainera bateria hondatzen duelako.
    • Potentziaren kontrol dinamikoa duen kargagunea: auto elektrikoen kargaguneen azken modeloa da; horren bidez, auto elektrikoaren eta etxean egiten diren beste kontsumoen arteko karga orekatzen du, kontrataturik den potentzia gainditu gabe (bestela, argindarra joan daiteke).
    • EV kargagune eramangarria: tamaina txikikoa eta pisu gutxikoa da, eta ibilgailu elektrikoaren maletategian eraman daiteke, bateria kargatu behar denean erabiltzeko. Korronte-hargune bat izatea besterik ez da behar.

    Beste data garrantzitsu batzuk

    • Turismoaren Munduko Eguna TMEk (Nazio Batuen Turismoaren Munduko Erakundea) antolatutako ekitaldi bat munduari ezagutzera emateko turismoak duen garrantzia, eta baita hark duen inpaktua ere maila sozialean, kulturalean, politikoan eta ekonomikoan. 
    • Hispanitatearen Egunean Cristobal Colón Guananí irlara iritsi zenekoa oroitzen da, "Amerikaren aurkikuntza" gisa ezagutzen dena, Europaren eta Amerikaren arteko lehen harremana ekarri baitzuen. 
    • Energia Aurrezpenaren Munduko Eguna urriaren 21ean ospatzen da. Bere helburu nagusia da energiaren aurrezpena sustatzeko ekintza txikiak burutzeak duen balioaz kontzientziatzea.