Cabeceira Covid 2

COVID-19

Damos un paso á fronte
para sermos parte da solución

A pesar da distancia que nos impón a situación de crise excepcional que estamos a vivir, todas as persoas que formamos parte do BBVA estamos centrando os nosos recursos, a nosa tecnoloxía e o noso corazón nun único obxectivo: que todos logremos saír adiante. E xuntos ímolo conseguir.

As nosas oficinas adáptanse á nova normalidade
Aínda que o recomendable é realizar todas as xestións posibles por Internet, se necesitas acudir a unha oficina os nosos xestores ofreceranche a mellor atención. Para optimizar a xestión de espazos e evitar esperas, o noso horario de atención en caixa é das 8:30 ás 11:00 da mañá.

Estamos contigo, estamos con todos. Somos parte da solución.

Estamos ao teu carón

Para apoiarte economicamente se tiveches que parar de traballar, ou perdiches o emprego, apoiamos e ampliamos as axudas económicas aprobadas polo Goberno:

  • Adiando ata tres meses o pagamento dos teus préstamos ou créditos persoais, da túa hipoteca e do alugueiro da túa casa se pertence ao Fondo Social de Vivenda.
  • Axudándote a rescatar o teu plan de pensións e EPSV.
  • Ofrecéndoche financiamento para afrontares o pagamento do alugueiro da túa vivenda habitual, sen gastos nin xuros e con aval ICO.

Se estás cobrando a prestación por desemprego, do mesmo xeito que fixemos desde abril, tamén adiantaremos a súa data de ingreso. 

Se recibes unha pensión da Seguridade Social, desde o pasado mes de abril tamén estamos adiantando a data de ingreso.

E se dispós de produtos de investimento, os nosos expertos continúan axudando a comprenderes a evolución dos mercados a través de artigos e podcasts. 

Estamos cos autónomos e coas empresas

Para reforzar as capacidades dixitais e facilitar o acceso a financiamento, puxemos á vosa disposición liñas de liquidez inmediata por valor de 25.000 millóns de euros.

Ademais, para colaborar no soporte e a recuperación do tecido empresarial tan afectado por esta crise, seguímonos apoiando nas axudas aprobadas polo Goberno en forma de liñas de avais ICO.

E para acompañar as empresas que dispoñen de investimentos, os nosos expertos analizan a actualidade económica para axudarlles a entender como lles afecta a evolución dos mercados a través de artigos e podcasts.

Estamos abertos para que poidades operar en liña

Para que poidas evitar desprazamentos innecesarios, tamén se es autónomo, desde bbva.es e a app BBVA podes realizar calquera xestión, sen horarios e sen teres que ir a unha oficina.

E para facilitar as operacións en remoto das empresas, tamén reforzamos os equipos que lles dan soporte a través das canles dixitais. 

Operacións en liña persoas e autónomos

Operación en liña empresas

Estamos comprometidos coa ciberseguridade

Para colaborar na protección contra as ameazas informáticas incrementadas polo coronavirus, os nosos expertos ofrécenche a información necesaria para reforzar a seguridade en Internet.

Estamos co teu benestar emocional

Para acompañarte e darche o apoio que precisas para afrontar os momentos de incerteza, recollemos as achegas máis valiosas dalgúns dos profesionais que colaboran en Aprendemos Xuntos, o noso proxecto de educación para unha vida mellor que xa atinxiu os 1.000 millóns de visualizacións.

Este contido só está dispoñible en castelán.

Estamos coa saúde de todos

Para colaborar na loita contra a COVID-19, doamos 35 millóns de euros repartidos entre todos os países en que temos presenza para adquirir material médico e axudar organizacións sociais, conseguindo 400.000 máscaras e traendo desde a China máis de 1.000 respiradores que xa foron distribuídos en hospitais.

Ademais, sumámonos ao compromiso dos nosos empregados, facendo chegar aos centros sanitarios as súas doazóns de mantas e baterías para móbil e tamén achegando ás súas doazóns a mesma cantidade, alcanzando os 2 millóns de euros.

Ti tamén podes ser parte da solución

Os nosos clientes xa doaron máis de 633.000 € á campaña da Cruz Vermella a través de Bizum. Se ti tamén queres colaborar, realizar unha doazón é así de simple:

Entra en Bizum desde a app BBVA, preme sobre “Facer achega a unha causa solidaria” e introduce o código 33467 para realizar a túa doazón.

Todas as persoas que traballamos no BBVA enviámosche unha mensaxe de esperanza e solidariedade. Xuntos imos saír adiante. Somos parte da solución.