Que cobre o Seguro Circulación Maquinaria Agrícola?
-
Coñece en detalle as coberturas:
- Responsabilidade civil de subscrición obrigatoria: A obriga de indemnizar un terceiro polos danos e perdas causados polo uso e circulación do vehículo, cando o asegurado sexa civilmente responsable en virtude do previsto pola Lei sobre responsabilidade civil e seguro na circulación de vehículos a motor, sendo asegurados tanto o propietario do vehículo, como o condutor.
- Responsabilidade civil complementaria ou voluntaria: En caso de exceder a responsabilidade civil obrigatoria, garántese ata o límite de 50.000.000 € das indemnizacións debidas.
- Responsabilidade civil da carga: Garántese a responsabilidade civil extracontractual do condutor e/ou propietario por danos causados a terceiros derivados dos obxectos ou mercadorías transportados no vehículo asegurado ata o límite de 60.000 €.
- Responsabilidade civil por incendio do vehículo: Garántese a responsabilidade civil por incendio do vehículo, por danos causados a terceiros a consecuencia dun incendio orixinado no vehículo asegurado cando este estea estacionado. Límite 60.000 €.
- Responsabilidade civil por traballos realizados: garántese o pagamento das indemnizacións que serán satisfeitas como consecuencia da responsabilidade extracontractual derivada dos danos causados a terceiros con motivo dos traballos agrarios ou gandeiros ata o límite garantido en condicións particulares. Límite: segundo o capital contratado 30.000 / 60.000 €.
- Vidros: cóbrense o parabrisas, vidros traseiros e xanelas laterais, incluíndo o valor dos cristais e os gastos de colocación/reparación ata un máximo de 600 € por sinistro.
- Incendio, roubo e perda total: Garántense os danos parciais ou a perda que poida sufrir o vehículo asegurado, como consecuencia de incendio, roubo ou un accidente.
- Esta cobertura comprende, dentro dos límites establecidos na póliza, os danos parciais ou a perda total que poida sufrir o vehículo asegurado como consecuencia dun accidente producido por unha causa exterior, violenta e instantánea, en todo caso con independencia da vontade do condutor, estando o vehículo tanto en circulación coma en repouso ou en curso de transporte. Por conseguinte, quedan expresamente comprendidos nas garantías do seguro os danos debidos a:
- Envorcadura ou caída do vehículo, choque deste con outros vehículos ou con calquera outro obxecto móbil ou inmóbil.
- Afundimento de terreos, pontes e estradas.
- Feitos mal intencionados de terceiros, sempre que o asegurado fixese o posible para evitar a súa realización e o feito non se derivase de terrorismo, rebelión, sedición, motín, tumulto popular, feitos ou actuacións das forzas armadas ou das forzas e corpos de seguridade en tempos de paz, cuxa cobertura corresponde ao Consorcio de Compensación de Seguros, de acordo coas condicións do artigo 29.
- Accidentes producidos por vicio de material, defecto de construción ou mala conservación, entendéndose que as garantías do asegurador en tales casos limítanse á reparación do dano producido polo accidente e non á das partes defectuosas ou mal conservadas.
- Danos ou estragos ocasionados na tapizaría interior do vehículo asegurado, con motivo da axuda a vítimas de accidente, ata un máximo de 300 €.
- A rotura de vidros, co alcance e exclusións que para esta cobertura existen.
- Danos ocasionados por pedrazo que non teñan a consideración legal de riscos extraordinarios. Cando se pacte expresamente en condicións particulares, a garantía comprendida neste artigo poderase limitar á perda total do vehículo asegurado.
- Defensa xurídica: cóbrese a asistencia xurídica en materia de infraccións administrativas, de tráfico, de circulación e de seguridade viaria.