Liña ICO Avais Ucraína

A solicitude realízase a través do xestor habitual do BBVA, que aclarará calquera dúbida e indicará como enviar a documentación necesaria. 

Tamén podes buscar as oficinas abertas en cada localidade.

Co obxectivo de cumprir cos requisitos de documentación fixados para autónomos e pemes polo Instituto de Crédito Oficial, a continuación detállanse os documentos necesarios para tramitar a Liña de Avais RDL 6/2022.

Documentación que se debe presentar ao BBVA:

Co obxectivo de cumprir cos requisitos de documentación fixados para autónomos e pemes polo Instituto de Crédito Oficial, a continuación detállanse os documentos necesarios para tramitar a Liña de Avais Real decreto-lei 6/2022. Para tramitar o aval, é necesario proporcionar ao ICO, para a validación do aval, os seguintes documentos:

1. Declaración responsable de axudas suxeitas ao “Marco Temporal relativo ás medidas de axuda estatal destinadas a apoiar a economía tras a agresión contra Ucraína por parte de Rusia”.
   
2. Declaración responsable sobre o cumprimento de determinadas condicións para a solicitude do aval a través da Liña ICO Avais Ucraína, que inclúe: 
   a) estar afectado pola crise en Ucraína;
   b) non estar suxeito a sancións que a Unión Europea puidese establecer en consecuencia da agresión contra Ucraína por parte de Rusia, así como non estar incurso nalgunha prohibición para obter a condición de beneficiario das recollidas no artigo 13.2 da Lei 38/2003, de 17 de novembro, xeral de subvencións;
   c) non estar en concurso de acredores nin darse as circunstancias previstas no art. 2.4 do Real decreto lexislativo 1/2020, de 5 de maio, polo que se aproba o texto refundido da Lei concursal, ou norma que a substitúa e
   d) que nin a matriz nin as empresas do grupo estean domiciliadas nun paraíso fiscal ou territorio non colaborador en materia fiscal.
   
3. Autorización asinada polo cliente para que o ICO e o banco poidan consultar os datos de CIRBE do cliente.
4. Certificado ECOT da AEAT ou Facendas Forais de estar ao corrente das obrigas tributarias.
   
5. Certificado da TXSS de estar ao corrente de pagamentos coa Seguridade Social.
   
6. Certificado da TXSS de estar dado de alta e con actividade. 
7. Consentimento expreso do cliente para a verificación de datos coa AEAT ou as Facendas Forais.
8. Consentimento expreso do cliente para a verificación de datos coa TXSS.
9. Declaración responsable en que se indique que se cumpren os prazos medios de pagamento a provedores recollidos na Lei 3/2004, de 29 de decembro, pola que se establecen medidas de loita contra a morosidade nas operacións comerciais; ou, en caso de ser unha sociedade auditada, certificado do auditor que indique que se cumpre con ese prazo medio de pagamento a provedores.
10. Se a operación se adscribe ao apartado 2.2 do Marco Temporal de Ucraína de axudas de Estado e a solicitude de financiamento se referencia ao 15% do volume de negocios anual medio dos últimos 3 anos do autónomo ou empresa, terá que entregar:
    a) Declaracións anuais de IVE ou imposto substitutivo ou as contas anuais aprobadas ou auditadas, se é o caso, dos 3 últimos exercicios pechados na data de solicitude do aval. No caso de clientes adheridos ao sistema SII de liquidación de IVE, requiriranse as liquidacións mensuais. Se o autónomo ou empresa conta unicamente con 2 ou 1 exercicio pechados, presentaranse as contas anuais auditadas ou as declaracións anuais de IVE correspondentes a eses exercicios.
    b) En caso de que o autónomo ou empresa non estivese en funcionamento polo menos un exercicio completo, as declaracións dispoñibles para o período de actividade, que en todo caso non poderá ser inferior a 3 meses.
11. Se a operación se adscribe ao apartado 2.2 do Marco Temporal de Ucraína de axudas de Estado e a solicitude de financiamento se referencia ao 50% dos custos da enerxía nos 12 meses anteriores á presentación da solicitude de axuda á entidade, un provedor de enerxía terá que entregar a acreditación dos custos de enerxía da empresa durante os 12 meses anteriores ao mes en que se solicita á entidade financeira o financiamento avalado.