Eta zure hurrengo lanpostua enpresan bertan balego? Zenbaitetan, ez dago konpainiaz aldatu beharrik beste lan batera pasatzeko. Aldaketa gerta daiteke nagusiek beraiek proposatutakoa izatea edo baliteke izatea zeuk pauso bat aurrera eman eta hutsik dagoen postu horretara aurkeztu izanagatik.
Nola egin hori, ordea, azkenean zeure kalterako izan ez dadin eta zure egungo arduradunak traidoretzat har ez zaitzan? Ez baduzu hori gertatzerik nahi, jarraitu pauso xume hauek.
Egiazta ezazu betekizun guztiak betetzen dituzula.
Egin behar duzun lehen gauza da baieztatzea postura ondo doitzen zarela. Horretarako, Beatriz Cabellok, Adeccoren barne sustapenerako arduradunak, zeure enpresako giza baliabideen sailarekin hitz egitea gomendatzen du. Postuari buruzko informazio guztia duzunean, hurrengo pausoa da egungo managerrari jakinaraztea zure asmoa eta aldatu nahi izatearen zergatia.
Postua benetan dago hutsik?
Zurrumurruak enpresa guztietan izan ohi dira, eta beti ez dira egia. Oso ondo ziurtatu behar duzu postu hori erreala eta, batik bat, ofiziala dela. Kontuan izan behar duzu ere gerta daitekeela lanpostu hutsa enplegu orrietan argitaratuta egotea, baina enpresa barrura begira eskuragarri ez egotea. Hori gertatzen bada, Beatriz Cabellok giza baliabidetakoekin hitz egitea gomendatzen du, enpresa barruan postu hutsa ikusteko eran zergatik ez dagoen jakiteko.
Interesa erakustea ezin daiteke egon gaizki ikusita
Beatrizen arabera, "geure konpainia barruan beste lanpostu batzuetarako interesa erakustea, erronka, aukera eta erantzukizun berriak onartu nahi izatea, ezin da gaizki ikusita egon". Baina, hori bai, enpresak halako prozesuetan parte hartzeko zehazturik dituen bideak erabili behar dituzu.
Eta ez banaute aukeratzen?
Aurkeztu nahi zaren posizioko managerrarekin aurretik hitz egitea gomendatzen du Beatrizek. Aurreko jarraibideei jarraitzen badiezu eta "garbi jokatzen baduzu, aurkitzen zaren prozesuaren fasearen berri une oro emanez", ez zinateke kezkatu behar azkenean zu ez bazara hautatutako pertsona. Horrelakoetan, Adecco-ren arduradunak gomendatzen du "oso ondo ezagutu dezazun feedback-a eta hautatua ez izateko arrazoiak. Horrek gabeziak izan ditzakezun alderdiak lantzeko eta indartzeko balioko dizu, eta horietan trebatzeko hurrengo aukerei begira". Gainera, gogoan izan ezen barruan posizio bat zabaltzen denean "posizio batean interesa duen kide orok hori eskatu ahal duela posizio eskatzen diren betekizunak betetzen baditu". Gauzak horrela, garrantzitsua da prozesu osoa lehia osasuntsuko giro batean burutzea.
Aldaketa garaia
Eta, aitzitik, enpresak aurkeztu zaren lanpostu horretara aldatzen bazaitu, hor ere 15 egun eman behar al dituzun galdetuko duzu, agian, zure lanpostu berria gauzatu bitartean. Normalena da enpresak berak protokolo bat ezarrita izatea halako aukeretarako. Edonola ere, lankideei jakinarazi egin beharko diezu posizio aldaketa, baina hori egungo eta etorkizuneko managerrarekin koordinaturik egin behar duzu.