Sakatu enter
Iradokizunak

    COVID-19

    Gure konpromisoak irmo jarraitzen du:
    konponbidearen parte izan nahi dugu

    Pandemiak beharturik bizitzen ari garen ziurgabetasunez betetako errealitate berri honetan, BBVA osatzen dugun guztiok hor jarraitzen dugu geure baliabide eta teknologiarekin, helburu bakar batekin: guztiok aurrera egitea lor dezagun. Aukera berriak elkarrekin topatuko ditugulako.

    Gure bulegoak zerbitzu onena eskaintzeko egokitzen dira
    Ahal diren izapide guztiak online egitea bada ere gomendagarriena, bulego batera joan beharrean bazara gure kudeatzaileek higiene eta segurtasun neurri areagotuekin hartuko zaituzte. Espazioen kudeaketa hobetzeko eta itxaronaldiak saihesteko, kutxako gure arreta ordutegia 08:30etik 11:00tara da.
    Aurkitu zure BBVA bulegoa

    Zure ondoan, zuen ondoan jarraitzen dugu, konponbidearen parte izateko lanean

    Autonomoei eta enpresei laguntzen jarraitzen dugu

    Gaitasun digitalak indartzeko eta finantzaketarako sarbidea errazteko, berehalako likidezia-lerroak jartzen dizkizuegu eskura, 25.000 milioi euroko balioa dutenak.

    Gainera, krisi honek hainbeste eragin dion enpresa-ehunari eusten eta suspertzen laguntzeko, Gobernuak KOI abal-lerroen bidez onartutako laguntzez baliatzen gara.

    Eta inbertsioak dituzten enpresei laguntzeko, berriz, gure adituek gaurkotasun ekonomikoari buruzko analisiak egiten dituzte artikulu eta podcast bidez, merkatuen bilakaerak nola eragiten dieten ulertzen laguntzeko. 

    Ikusi gehiago

    Online izapideak errazten jarraitzen dugu

    Beharrik gabeko joan-etorriak saiheste aldera, baita autonomoa bazara ere, edozein eragiketa egin dezakezu bbva.es webgunetik eta BBVA app-etik, edozein ordutan eta bulego batera joan beharrik gabe.

    Eta enpresei urrunetik konektatuta eragiketak egitea errazteko, kanal digitalen bidez euskarria ematen dien ekipoak indartzen jarraitzen dugu. 

    Pertsonentzako eta autonomoentzako online operatiboa

    Enpresentzako online operatiboa

    Ekonomikoki laguntzen jarraitzen dizugu

    Lanean etena egin behar izanagatik edo zenuen lana galtzeagatik ekonomikoki laguntzeko, Gobernuak onartu dituen laguntza ekonomikoak babestu eta handitu egin ditugu:
    • Bederatzi hilabeteraino atzeratuz zure mailegu edo kreditu pertsonalen eta zure hipotekaren ordainketa.
    • Zure pentsio plana eta BGAEa erreskatatzen lagunduz.
    • Finantzaketa eskainiz aurre egiteko zure ohiko etxebizitzaren alokairuaren ordainketari, gastu edo interesik gabe eta ICO abalarekin.

    Langabeziagatiko prestazioa kobratzen ari bazara, apiriletik aurreratzen ari gara horren diru-sarrera data.

    Pentsio bat jasotzen baduzu Gizarte Segurantzatik, joan deneko apiriletik aurrera diru-sarrera data ere aurreratzen ari gara.

    Eta inbertsio produktuak baldin badituzu, gure adituek artikulu eta podcasten bidez merkatuen bilakaera ulertzeko laguntza ematen jarraitzen dizute. 

    Ikusi gehiago

    Zibersegurtasunarekin dugun konpromisioarekin jarraitzen dugu

    Koronabirusaren harira areagotutako mehatxu informatikoen kontra babesten laguntzeko, Interneten segurtasuna indartzeko behar den informazioa eskaintzen dizute gure adituek.
    Ikusi gehiago

    Zure ongizate emozionala zaintzen jarraitzen dugu

    Ziurgabetasun egoera honetan behar duzun laguntza eta babesa emateko, Elkarrekin Ikasten Dugu proiektuan -bizitza hobe baterako gure hezkuntza egitasmoa, jada 1.000 milioi bistaratzera iritsi dena- laguntzen duten profesional batzuen ekarpen baliagarrienak bildu ditugu.
    Ikusi gehiago

    Eta horrela laguntzen dugu osasungintza unerik zailenetan

    COVID-19aren aurkako borrokan laguntzeko 35 milioi euro eman ditugu dohaintzan, gauden herrialde guztien artean banatuz material medikoa eskuratzeko eta gizarte-antolakundeei laguntzeko. Hala, 400.000 maskarilla lortu ditugu eta Txinatik 1.000 arnasgailu baino gehiago ekarri ditugu, eta ospitaletan dagoeneko banatuta dira.
    Halaber, bat egin dugu gure langileen ahaleginarekin, eta horiek eman dituzten ohe-tapakiak eta mugikorrentzako bateriak osasun-zentroetara helarazi izan ditugu. Horrez gain, langileek dohaintzan emandako kopuru bera eman dugu, eta bi milioi euro lortzera iritsi gara.
    Ikusi gehiago

    Soluzioaren parte izaten lagundu nahi zeniguke?

    Elkartu zaitez Save the Children elkartearen "Zure ondoran" egitasmora, Covid-19aren krisiak kaltetutako haurrei jateko eta higienerako euren produktu beharrak betetzen laguntzeko. Ekarpen bat egitea honelakoxe erraza da:

    Sartu Bizum-en BBVA app bidez, sakatu "kausa solidario batentzako ekarpena" botoiaren gainean eta sartu 01020 kodea zure dohaintza egiteko.

     

    BBVAn lan egiten dugun guztiok itxaropen eta elkartasun mezu bat igortzen dizugu. Elkarrekin aukera berriak aurkituko ditugu guztiontzat.