Sakatu enter
Iradokizunak

    KOI abal-ildoa Ukraina

    Finantzazio soluzioak zure negozioarentzat

    BBVAn Ukrainako gerraren eragina murrizten lagundu nahi dizugu zure negozioan

    Enpresa bat baduzu edo autonomoa bazara, eskaintzen dugun finantzaketari probetxua atera diezaiokezu; gainera, finantzaketa hau KOIk kudeatutako Estatuaren abal-ildoan oinarritzen da, 6/2022 EDLaren arabera.
    Gainera, formalizazio-izapidetza ahalik gehien azkartzen ahaleginduko gara.

     

    Informazioa eskatu

    Zein izan daiteke laguntzen xedea?

    • Finantzaketa likidezia- eta inbertsio-beharrak asetzeko erabiltzen da (gastu arruntak, kapital zirkulatzailea eta inbertsioak).

    Ezaugarriak

    • Egoitza soziala Espainian duten eta Errusiak Ukrainari egindako erasoaren ondorio ekonomiko eta sozialen eraginpean dauden autonomo eta enpresetarako dago eskuragarri. Baldintzak dira berandutze-posiziorik ez edukitzea ezein finantza-erakundetan, hartzekodunen konkurtsoan ez egotea, ez ordaintzeagatik exekutatutako KOI Covid abal-ildoa ez edukitzea edota kita bat ez eskatu izana KOI Covid ildo horiekin lotutako Jardunbide Egokien Kodearen babesean.

      Epea eta abalaren %, Ukrainako Aldi Baterako Esparruaren arabera:

      • Ukrainako Aldi Baterako Esparrua 2.1 (haien abalen batura < 2.000.000 € den eragiketetarako, edo 300.000 € arrantzaren edo akuikulturaren sektoreko enpresetarako, edo 250.000 € lehen sektoreko enpresa aktiboetarako): gehienez 10 urte. Abalak finantzaketa-eragiketen balioaren % 80 artekoak izango dira gehienez.
      • Ukrainako Aldi Baterako Esparrua 2.2: (2.1 Aldi Baterako Esparrua gainditzen duten bezeroak, eta gehienezko balioa (i) azken hiru ekitaldietako urteko batez besteko salmenten % 15; edo (ii) azken 12 hilabeteetako energia-kostuaren % 50 bada): gehienez 8 urte. Abalak finantzaketa-eragiketen zenbatekoaren % 80 artekoak izan daitezke, autonomo eta ETE-en kasuan, edo % 70, enpresen kasuan. Nolanahi ere, inoiz ezingo da izan 150.000.000 € baino gehiago.

      Gutxienez hasierako kapital-gabealdiko 12 hilabete, bezeroak eskatuta.

      Murrizketak:

      • Eragiketa berriak izan behar dira, eta ezin dira eskatu berritzeko edo berregituraketak egiteko.
      • Ildo hau ez da bateragarria inbertsio-proiektu bererako eskatu dituzun beste laguntza batzuekin.
      • 50.000.000 €-tik gorako eta lerro honen babesean egindako eragiketek konpromisoa hartuko dute eragiketaren bizitzan zehar dibidendua ez banatzeko.

      Finantzaketa-lerro hau 2023ko abenduaren 1era arte egongo da eskuragarri, edo lerro horri esleitutako 10.000 milioi € horiek amaitu arte. 

      Finantzaketa-baldintzak KOIk eskatutako hautagarritasun-irizpideak betetzearen mende daude, baita BBVA S.A. enpresaren onarpenaren eta abal-ildoaren funtsen erabilgarritasunaren arabera ere.

    Laguntzak nola eskatu

    • Nola eskatzen dira laguntzak?

      Eskaera BBVAko ohiko kudeatzailearen bidez egiten da, eta horrek argituko du edozein zalantza edo azalduko du nola bidali behar den dokumentazioa. 

      Herri bakoitzean irekita dauden bulegoak bila ditzakezu.

    Beharrezko dokumentazioa

    • Zer dokumentazio behar da?

      Kreditu Ofizialeko Institutuak autonomo eta ETE-etarako ezarritako dokumentazio-baldintzak betetze aldera, ELD bidezko berme-abalak izapidetzeko behar diren dokumentuak zehazten dira. 6/2022 EDLaren arabera.

      BBVAri aurkeztu beharreko dokumentazioa:

      Kreditu Ofizialeko Institutuak autonomo eta ETE-etarako ezarritako dokumentazio-baldintzak betetze aldera, 6/2022 Errege Lege Dekretuaren bidezko berme-abalak izapidetzeko behar diren dokumentuak zehazten dira. Abala izapidetzeko, beharrezkoa da KOIri agiri hauek aurkeztea abala balidatzeko:

      1. "Errusiak Ukrainari egindako erasoa medio ekonomia babestera zuzendutako estatu-laguntzen Aldi Baterako Esparrua" dokumentuarekin lotutako laguntzen erantzukizunpeko adierazpena.
      2. KOI abal-ildoa Ukraina bidez abala eskatzeko baldintzen betetzeari buruzko erantzukizunpeko adierazpena, barnean hauek hartzen dituena: 
        a) Ukrainako krisiaren eragina izatea;
        b) Errusiak Ukrainari egindako erasoa medio Europar Batasunak ezarritako zehapenen mende ez egotea, ezta onuradun izatea debekatzen duen baldintzarik betetzea azaroaren 17ko Diru-laguntzen 38/2003 Lege Orokorraren 13.2 artikuluan jaso gisa;
        c) hartzekodunen lehiaketan ez egotea, edo maiatzaren 5eko 1/2020 Legegintzako Errege Dekretuaren 2.4 artikuluan aurreikusitako egoeran ez egotea, Lehiaketen Legearen edo hura ordezten duen testu bategina onartzen duena eta
        d) taldearen egoitza edo enpresak ez egotea zerga-paradisu batean edo fiskaltasunarekin kolaboratzen ez duen lurralde batean.
      3. Bezeroak sinatutako baimena, KOIk eta bankuak bezeroaren CIRBEren datuak kontsultatu ahal izateko.
      4. Zerga-betebeharrak egunean izatearen ZAEAren edo foru-ogasunen ziurtagiria.
      5. Gizarte Segurantzako ordainketak egunean izatearen GSDNaren ziurtagiria.
      6. Altan eta jardueran egotearen GSDNaren ziurtagiria. 
      7. ZAEArekin edo foru-ogasunekin datuak egiaztatzeko bezeroaren berariazko baimena.
      8. GSDNren datuak egiaztatzeko bezeroaren berariazko baimena.
      9. Erantzukizunpeko adierazpena, merkataritza-eragiketetan berankortasunaren aurkako neurriak ezartzen dituen abenduaren 29ko 3/2004 Legean jasotako hornitzaileei ordaintzeko batez besteko epeak betetzen direla adierazten duena; edo ikuskatutako sozietatea bada, auditorearen ziurtagiria, hornitzaileei ordaintzeko batez besteko epe hori betetzen dela adierazten duena.
      10. Eragiketa Estatu-laguntzen Ukrainako Aldi Baterako Esparruaren 2.2 atalari atxikitzen bazaio, eta finantzaketa-eskaera autonomoaren edo enpresaren azken 3 urteetako urteko batez besteko bolumenaren % 15ari badagokio, hauek entregatu behar dira:
        a) BEZaren edo ordezko zergaren urteko aitorpenak, edo abala eskatu zen egunean itxitako azken 3 ekitaldietako urteko kontu onartuak edo ikuskatuak. BEZa likidatzeko SII sistemari atxikitako bezeroen kasuan, hileko likidazioak eskatuko dira. Autonomoak edo enpresak 2 edo 1 ekitaldi baino ez baditu itxita, ekitaldi horiei dagozkien urteko kontu ikuskatuak edo BEZaren urteko aitorpenak aurkeztuko dira.
        b) autonomoa edo enpresa gutxienez ekitaldi oso bat martxan egon ez bada, jarduera-aldirako erabilgarri dauden aitorpenak aurkeztuko dira, betiere 3 hilabete baino gutxiagokoa izan gabe.
      11. Eragiketa Estatu-laguntzen Ukrainako Aldi Baterako Esparruaren 2.2 atalari atxikitzen bazaio, eta finantzaketa-eskaera erakundeari laguntza-eskaera aurkeztu aurreko 12 hilabeteetan energiaren kostuen % 50ari buruzkoa bada, energia-hornitzaile batek enpresaren energia-kostuen egiaztagiria entregatu beharko du, finantza-erakundeari bermatutako finantzaketa eskatzen zaion hilabetearen aurreko 12 hilabeteetan.
    Informazioa eskatu

    Sor dakizkizukeen zalantzak

    Eskaera BBVAko ohiko kudeatzailearen bidez egiten da, eta horrek argituko du edozein zalantza edo azalduko du nola bidali behar den dokumentazioa. Geuk deitzea ere eskatu ahal duzu, edo herri bakoitzean zabalik diren bulegoak bilatu ahal dituzu.

    ICO Enpresak eta Ekintzaileak
    Eskatu